О Пресвятая и Преблагословенная Мате Сладчайшаго Господа
нашего Иисуса Христа!
Припадаем и покланяемся Тебе пред святою, чудотворною иконою Твоею,
воспоминающе дивное знамение Твоего заступления, великому Новуграду
от нея явленное во дни ратною нань нашествия. Смиренно молим Тя, всесильная
рода нашего Заступнице: якоже древле отцем нашим на помощь тогда ускорила
еси, тако и ныне нас немощных и грешных Твоего Матерняго заступления
и благопопеченяя сподоби: спаси и сохрани, Владычице, под кровом милости
Твоея люди Твоя, Церковь святую утверди, град Твой (весь Твою) и всю
страну нашу православную и всех нас, припадающих к Тебе с верою и
любовию и умиленно просящих со слезами Твоего заступления, помилуй
и сохрани. Ей, Госпоже всемилостивая! Умилосердися на ны, обуреваемыя
грехми многими, простри ко Христу Господу богоприимнии руце Твои и
предстательствуй за нас пред благостию Его, просящи нам прощения прегрешений
наших, благочестнаго мирнаго жития, благия христианския кончины и
добраго ответа на Страшнем Суде Его: да спасаеми всесильными Твоими
к Нему молитвами, блаженство райское унаследуем и со всеми святыми
воспоем пречествное и великолепое Имя достопокланяемыя Троицы, Отца
и Сына и Святаго Духа, и Твое велие к нам милосердие во веки веков.
Молитвы на каждый день