О покровительстве новобрачным у православных
верующих принято молиться Благоверному князю Петру и княжне Февронии,
Муромским чудотворцам
Тропарь, глас 8-й: Яко благочестиваго корене пречестная отрасль был
еси, добре во благочестии пожив, блаженне Петре, тако и с супружницею
твоею, премудрою Феврониею, в мире Богу угодивше и преподобных житию
сподобистеся. С нимиже молитеся Господеви сохранити без вреда Отечество
ваше, да вас непрестанно почитаем.
Кондак, глас 8-й: Мира сего княжение и славу временну помышляя, сего
ради благочестно в мире пожил еси, Петре, купно с супружницею твоею
премудрою Феврониею, милостынею и молитвами Богу угодивше. Темже,
и по смерти неразлучно во гробе лежаще, исцеление невидимо подаваете,
и ныне Христу молитеся сохранити град же и люди, иже вас славящих.
Молитва: О велиции угодницы Божии и предивнии чудотворцы, благовернии
княже Петре и княгине Февроние, града Мурома предстателие и хранитилие,
и о всех нас усерднии ко Господу молитвенницы! К вам прибегаем и вам
с упованием крепким молимся: вознесите о нас, грешных, святая молитвы
ваша ко Господу Богу, и испросите у благости Его вся благопотребная
душам и телесем нашим: веру праву, надежду благу, любовь нелицемерну,
благочестие непоколебимо, в добрых делех преуспеяние, мира умирение,
земли плодоносив, воздуха благорастворение, телесем здравие и душам
спасение. Исходатайствуйте у Царя Небеснаго Церкви Святей и всей державе
Российстей мир, тишину и благоустроение, и всем нам житие благополучное
и добрую христианскую кончину. Оградите Отечество ваше и вся грады
Российския от всякаго зла; и вся правоверныя люди, к вам приходящия
и святым мощем вашим поклоняющиеся, осените благодатным действом богоприятных
молитв ваших, и вся прошения их во благо исполните. Ей, чудотворцы
святии! Не презрите молитв наших, со умилением вам днесь возносимых,
но будите о нас приснин предстателие ко Господу, и сподобите нас помощию
вашею спасение вечное улучити и Царствие Небесное унаследовати: да
славословим неизреченное человеколюбие Отца и Сына и Святаго Духа,
в Троице покланяемаго Бога, во веки веков. Аминь.
Молитвы на каждый день